Diwali ki Yaaden

Aayi hain Diwali dekho, laayi hain niraali
aasha, kaanksha, man ki, tan ki
aayi re Diwali !

Lagi hain sunehri deepon ki, yeh sulagti maala,
Naacho, gaao, dhoom machaao, aala Diwali alaa!

Bandhu-mitr, parivaar sameth, gaao lakshmi gaatha
Dhanye hain maata suprasanna, teko apna maatha!

Bbolo prem ki bhasha nirantar, bin, oonch neech ka antar
Prem ki sada ek hain boli, barsaao ab preet ki holi!

Jabhi lagti deep maalika, mujhko aate hain woh pal yaad
Thi main jab ek nanhi baalika, karti vaad vivaad!

Amma kehti dekh pyaari, yeh hain woh tewhaar
Sab ki jeet hi jeet hain aaj, na honi kisi ki haar!
Maa ki choli pakde chalti, deep sajaate aangan paas
Aankh michowni khelte hum sab, hothi jab raat amaavas !

Kaate laddu, peda, jalebi, masti karte saara din
Chedte sabko, chan-chan-chan; Haste hasaate pal gin-gin!
Aaj hain meri bhi ik bitiya, use sunaana hain vistaar
Kyon manaate hum yeh din, kyon hain yeh aparampaar!

Ho adhron pe prem ka ras, aise beethe aaj diwas
Chalo manaaye jhoomte bas, aaj na hon hum niras !

Aayegi phir agle saal, Deepavali bemisaal
Tab tak rahen sab khush haal
Yeh hi hain mere aaj khayaal!